Sulmuesi i Arsenalit, Gabriel Jezus, e quan një fitore të madhe suksesin ndaj Manchester Cityt (1-0).

“Sigurisht që është një fitore e madhe. Të gjithë e dinë se sa e vështirë është të luash kundër tyre. Por nuk është e pamundur t’i mposhtni ata. Ne duhet t’i përgëzojmë për mënyrën se si ata punuan ose luajtën, por kjo është shtëpia jonë. Ne duhej të vraponim, të luftonim, të ishim efikasë dhe të shënonim.

Jam i lumtur për Gabin (Martineli) që hyri dhe shënoi. Kjo tregon se sa e fortë është skuadra jonë. Nuk është e lehtë të luash tri ndeshje në një javë. E bëra këtë. Mendoj se jam rikthyer me gjendjen time fizike. Kam luftuar, vrapuar dhe ndihmuar ekipin. Por siç thotë Gabi, i gjithë ekipi luajti në mënyrë mahnitëse dhe ne fituam ndeshjen”, tha Jezus.