Tifozët e Al Nassr kanë befasuar lojtarët dhe publikun në shtëpi përpara ndeshjes së kampionatit të Ligës Saudite Pro kundër Abha me një koreografi të jashtëzakonshme.
Papritur nga tribuna e tifozerisë vendase, pak para fillimit të ndeshjes, u shfaq pankarta dhe një shkrim mbi një sfond të verdhë.
“Boom” mund të lexohet në skenografinë e shkëlqyer të përgatitur tërësisht kushtuar Marcelo Brozovic. Një homazh emocionues që la pa fjalë edhe vetë ish-mesfushorin e Interit.
Al Nassr's fans with a special tifo for Marcelo Brozovic 🇭🇷💣#yallaRSL pic.twitter.com/1QYZo6Yj4c
Shkrimi është një referencë për tatuazhin e një bombe që kroati ka në anën e majtë të qafës. Ish-mesfushori i zikaltërve është në fakt një nga lojtarët që ka mahnitur më shumë, ndër blerjet e reja të verës, për qëndrueshmërinë, profesionalizmin dhe teknikën e tij.
Ai nuk është një lojtar që mund të krahasohet me Cristiano Ronaldo-n dhe sigurisht që nuk e priste kurrë që të ishte në gjendje të kishte një pritje të tillë nga publiku saudit para ndeshjes.
Gjesti i tifozëve të Al Nassr ka befasuar edhe vetë Ronaldo-n, i cili me një buzëqeshje në fytyrë vëzhgoi së bashku me Talisca surprizën e tifozëve arabë për mesfushorin kroat.
© SYRI.net
Bëje LIKE dhe merr lajmin e fundit nga Sporti: