Ndeshjet e pasdites në Ligën e Kampioneve mund të jenë shumë të rëndësishme për fatet e Grupeve E dhe H, me sfida shumë interesante të ekipeve që kërkojnë të vazhdojnë më tej në këtë turne.

Në Grupin E, Atletico Madrid kërkon fitoren e parë në përballjen me Feyenoord, që ka siguruar tre pikët në ndeshjen e parë dhe tashmë synon që të thellojë diferencën në kreun e grupit.

Ndërsa në Grupin H, është Antwerp i Arbnor Mujës që përballet me Shakhtar Donetsk. Të dy skuadrat kanë dalë pa pikë në sfidën e parë dhe sot duan që të luftojnë për një fitore që rihap shanset e tyre për kualifikimin e mëtejshëm.