Sky Sport Italia shkruan se futbollisti spanjoll Alvaro Morata do të kthehet te Juventus nëse Moise Kean largohet nga klubi italian.

Juventusi po përgatitet për ditët e fundit të merkatos së verës dhe në qendër të vëmendjes është rikthimi i mundshëm i Moratas. Spanjolli, i cili më parë ka luajtur për Zonjën e Vjetër, thuhet se do të kthehet te bardhezinjtë nëse Kean, për të cilin është i interesuar klubi i Milanit, largohet nga Torino.

Kuqezinjtë duan të huazojnë Kean me opsion blerjen, ndërsa në mendjen e drejtuesve të Juventusit prioritet është shitja, por janë gati edhe për një huazim me detyrim blerje.

Fulham është gjithashtu i interesuar për Keane, ndërsa Atletico Madrid kërkon rreth 20 milionë euro për Moratan.