“Telenovela Mbappe” vazhdon me një kapitull të ri. Pas rikthimit në stërvitje, në rendin e ditës është rinovimi i mundshëm i kontratës me PSG-në, por duket se francezi është i vendosur për të mos vazhduar bashkëpunimin.

PSG dëshiron të vazhdojë kontratën me Mbappe dhe të shmangë largimin e sulmuesit nga ekipi si lojtar i lirë në çdo mënyrë të mundshme. Pavarësisht kësaj, L'Equipe theksoi se zgjatja e kontratës nuk është konsideruar asnjëherë në takimin mes futbollistit dhe klubit dhe Kylian Mbappe ende pohon se nuk do ta zgjasë kontratën deri në vitin 2025.

Sipas informacioneve të gazetës franceze, ylli i futbollit mund të falë disa para si një gjest mirënjohjeje për kthimin në ekip.

Kylian Mbappé voulait rejouer à tout prix avec le PSG

Le retour de Kylian Mbappé dans l'effectif du PSG n'est pas lié à la promesse de ne pas partir libre. Il n'a pas été question de prolongation dans les discussions avec le club https://t.co/k3VCQuFTVn pic.twitter.com/RXtkRs4Opg

— L'ÉQUIPE (@lequipe) August 14, 2023

Vlerësohet se shuma që Mbappe do të falte do të nënkuptonte një kursim prej 100-150 milionë euro për PSG-në. Një gjest që vetë 'L'Équipe' e përshkruan si një "sakrificë personale".

Mbappe tashmë e ka bërë të qartë në disa raste se ai synon të largohet nga klubi kur t'i skadojë kontrata në vitin 2024. Prandaj, një rinovim me një klauzolë të mundshme të daljes së dakorduar do të ishte alternativa më e mirë për të dyja palët, edhe pse për momentin duket larg një marrëveshje.