Prej muajit shkurt, sulmuesi i Kombëtares shqiptare, Rey Manaj ka mbetur pa një skuadër. Ai aktivizohej me Watfordin në Angli, por pas një dëmtimi të rëndë, klubi vendosi t’i ndërpriste kontratën dhe që prej asaj kohe ai është një lojtar i lirë.

Megjithatë, kjo merkato verore mund t’i sigurojë sulmuesit 26-vjeçar një aventurë të re. Këtë herë ajo mund të jetë në Shtetet e Bashkuara të Amerikës, aty ku kërkohet nga një emër i njohur.

Bëhet fjalë për Los Angles Galaxy që ka në listën e dëshirave edhe sulmuesin kuqezi. Ai është një prej pesë emrave që Galaxy po studion për të afruar në skuadër si lojtarë të lirë. Katër emrat e tjerë janë Alexis Sanchez, Alfredo Morelos Adama Traore dhe Alex Oxlade-Chamberlain.