Tjetër goditje “big” në merkato. Partizani ka zyrtarizuar ditën e sotme edhe mesfushorin Gjelbërim Taipi.
Ish-kapiteni i Kukësit, ka firmosur me kampionët në fuqi të Superiores, kontratë 1-vjeçare, me opsion rinovimi edhe për një sezon tjetër. Lajmi është konfirmuar nga vetë klubi i kuq, nëpërmjet një postimi në faqen zyrtare.
NJOFTIM I KLUBIT:
Partizani zyrtarizon afrimin e Gjelbrim Taipit në skuadër. Mesfushori me tipare sulmuese është përforcimi më i fundit në këtë sesion të merkatos. Taipi pas 3 sezoneve pozitive te Kukësi, ka firmosur një kontratë 1 vjeçare me opsion rinovimi edhe për një tjetër sezon me kampionët e Shqipërisë. Mesfushori menjëherë i është bashkuar ekipit në seancën e sotme stërvitore.
© SYRI.net
Bëje LIKE dhe merr lajmin e fundit nga Sporti: