UEFA ka zbuluar se këngëtarja braziliane e popit Anitta, do të performojë së bashku me Nigerianin Burna Boy para ndeshjes së titullit midis Manchester City dhe Inter që zhvillohet të shtunën më 10 qershor në stadiumin Olimpik Ataturk në Stamboll, Turqi.

“Jam e lumtur që do të performoj në shfaqjen e fillimit të finales së Ligës së Kampionëve të UEFA-s dhe mezi pres të këndoj në shfaqje me Burna Boy. Ne do të sjellim një shfaqje të paarritshme për tifozët në stadium dhe në mbarë botën”, ka shkruar Anitta përmes faqes së internetit të organizmit evropian të futbollit.

Kjo do të jetë hera e shtatë që UEFA organizon një shfaqje muzikore para ndeshjes përpara vendimit për titullin e Champions League.

Anitta publikoi albumin e saj të pestë në studio “Versions of Me” në vitin 2022, për të cilin mori një nominim për Grammy për Artistin më të Mirë të Ri.

Ajo mori pjesë në hapjen e Lojërave Olimpike Rio 2016, vit në të cilin bëri debutimin e saj si prezantuese televizive. Në vitin 2016 ajo fitoi çmimin për artisten më të mirë braziliane në MTV Europa Music Awards, dhe stili i saj muzikor është përgjithësisht pop.