Ish-futbollisti i Kombëtares së Shqipërisë, Shkëlzen Gashi ka vendosur t’i jap fund karrierës si futbollist profesionist.
Në moshën 34 vjeçare, Gashi me anë të një postimi në llogarinë e tij në ‘Instagram’, ka bërë të ditur se do “varë këpucët në gozhdë”.
“Përshëndetje të gjithëve. Ka ardhur koha të ju informoj që kapitulli im i futbollit do të mbyllet në fund të këtij sezoni. Dua të falënderoj klubet e mija dhe bashkëlojtarët për momentet e paharruara dhe të suksesshme. Një falënderim i madh shkon për familjen time dhe shokët për mbështetjen. Jam shumë i entuziazmuar për të ardhmen dhe çdo gjë që do vije. I juaji Shkeli”, shkroi ai.
Gashi aktualisht është pjesë e Aarau në ligën e dytë të Zvicrës, teksa më parë ka mbajtur veshur fanellën e Bellinzona, Schaffauseni, Xamaxi e Zuerichu, Basel në Zvicër, kurse në ligën MLS në SHBA, ishte pjesë e skuadrës Colorado Rapids.
Kujtojmë që me Shqipërinë Gashi ka 16 paraqitje, duke shënuar vetëm një gol me fanellën ‘kuqezi’. Gashi padyshim do të mbahet mend nga tifozët e kombëtares shqiptare për rastin e humbur në ndeshjen ndaj Zvicrës në Euro 2016, ku kishte shansin të barazonte sfidën.
© SYRI.net
Bëje LIKE dhe merr lajmin e fundit nga Sporti: