Në sfidën mes Empolit dhe Spezias nuk ka fitues. Të dyja skuadrat detyrohen që të ndajnë nga një pikë, pasi takimi përfundon në barazim 2-2.
Spezia i afrohet golit, Parisi shpëton skuadrën e tij duke hequr topin në vijën e portës, por ndërhyn VAR që gjen një faull me dorë dhe ndëshkon me të kuq lojtarin dhe akordon penallti për miqtë.
Vicario pret penalltinë e Verde, por ndërhyn sërish VAR dhe 11-metërshi duhet të përsëritet. Kësaj radhe Verde nuk gabon dhe kalon Spezian në avantazh. Pak minuta më vonë sulmuesi mik shënon edhe golin e dytë dhe Spezia mbyll pjesën e parë në avantazh të dyfishtë.
Empoli reagon në pjesën e dytë dhe shënon gol me Cambiaghi, ndërsa në minutat shtesë është Vignato ai që shënon golin e barazimit. Vlen të theksohet se Esposito ndëshkohet me të kuq në radhët e Spezias sapo fillon pjesa e dytë.
Të dyja skuadrat ndajnë nga një pikë. Empoli i afrohet akoma më shumë shpëtimit, ndërsa Spezia vazhdon të qëndrojë pranë zonës që të zbret në kategorinë inferiore.
© SYRI.net
Bëje LIKE dhe merr lajmin e fundit nga Sporti: