Kampioni botëror i gjuajtjes me hark, Jorge Ballesteros u gjet i vdekur në makinën e tij dhe e gjithë Spanja mban zi për vdekjen e qitësit më të madh të vendit në histori.

Presidenti i Federatës Spanjolle të Qitjes, Miguel Frances i ka shprehur ngushëllimet familjes së tij.

 Frances shprehu ngushëllimet për këtë lajm, duke thënë se Spanja ka humbur një sportist të madh dhe një qenie njerëzore të jashtëzakonshme.

"Jorge Ballesteros, atleti spanjoll më i mirë i IPSC në histori, ka vdekur në moshën 39 vjeçare, duke e futur në pikëllim të thellë botën e qitjes. Kampioni i Hapur Botëror 2017 fitoi gjithashtu tre kampionate evropiane, gjashtë Ekstreme Europe Opens dhe 17 kampionate spanjolle", thuhet në një postim në Twitter nga Federata Mbretërore Spanjolle e Qitjes.

Në vetëm 18 vjeç, ai fitoi titullin kampion absolut i hapur i Spanjës, duke u bërë personi më i ri që e bën këtë.

Megjithatë, për fat të keq për të, ai nuk mundi të performojë në Lojërat Olimpike. Kjo për shkak se disiplina e tij e zgjedhur nuk ishte një ngjarje olimpike gjatë karrierës së tij.

Në jetën private, Ballesteros i shërbeu komunitetit të tij si oficer policie.