Joao Felix do të jetë pjesë e Chelseat deri në fund të këtij sezoni.

Lajmin në fjalë e ka bërë publik vetë klubi i Atletico Madrid në një reagim në rrjetet sociale, ku thekson se është arritur marrëveshja me “Blutë” e Londrës.

Felix do të transferohet në Londër në formë huazimi deri në përfundim të sezonit 2022-2023, ndërsa ndër të tjera nga “colchoneros” theksohet se Felix ka rinovuar kontratën me spanjollët deri në vitin 2027

“Marrëveshje me Chelsea-n për huazimin deri në fund të sezonit Joao Felix është arrirë. Felix po ashtu ka rinovuar me klubin tonë deri në vitin 2027. Faleminderit, Joao, të urojmë fat të mirë në këtë sfidë të re profesionale!”-shkruan Atletico Madrid.