Norvegjezi Erling Haaland theksoi rëndësinë e ekipit mjekësor të Manchester Cityt, pasi ata e ndihmuan për të përmirësuar më tej trupin e tij dhe ai gjithashtu tha se është i lumtur që ndanë dhomën e zhveshjes me shokët ato shokë që ka në skuadër dhe të punojë me menaxherin Pep Guardiola.

Në vetëm 14 ndeshje të luajtura në Premier League, Haaland shënoi 20 gola dhe në kompeticionet e tjera shënoi gjashtë gola të tjerë dhe nuk ka dyshim se kalimi te Manchester City ishte i suksesshëm.

"Pjesa e parë e sezonit ishte fantastike për mua personalisht - jam i rrethuar nga shokë të jashtëzakonshëm të skuadrës dhe më pëlqen të punoj me Guardiolën. Nuk janë vetëm trajnerët dhe shokët e skuadrës, mjekët e Manchester City më ndihmuan të përmirësoja trupin tim", tha Haaland dhe më pas vazhdoi:

"Kam pasur disa probleme të vogla, por tani ndihem më mirë. Është kënaqësi të punoj me të gjithë njerëzit në klub dhe personalisht përpiqem të përmirësohem më tej. Jam ende i ri dhe dua të përmirësohem. Pas pushimeve për Kupën e Botës dhe jam gati për vazhdimin e sezonit”.

Pas kësaj ai tha se gjithmonë acarohet kur humbet një rast dhe se kur shënon dëshiron edhe më shumë.

“Sinqerisht, acarohem shumë kur humbas një rast. Pastaj dua të shënoj edhe më shumë dhe ndihem mirë kur shënoj gol dhe prandaj dua gjithmonë më shumë. Sigurisht që është e vështirë kur nuk je në formë. Më kujtohet një periudhë në Salzburg, ndërsa tani jam pak më me përvojë dhe i përballoj më mirë të gjitha situatat. Nuk ia vlen të mendosh për të kaluarën, tashmë ka mbaruar", tha Haaland.