Legjenda e futbollit brazilian Pele është transferuar në kujdesin paletiv (një kujdes për pacientët, të cilët ndodhen në një fazë të avancuar të sëmundjes dhe nuk pritet që të kenë shërim) në spital dhe nuk po i përgjigjet më kimioterapisë në luftën e tij kundër kancerit të zorrëve.

Mediet në Brazil shkruajnë se 82-vjeçari, i cili shkoi në spital javën e kaluar, po i nënshtrohet një kure për dhimbjet. 

Ai u shtrua në spitalin Albert Einstein në Sao Paulo, Brazil të martën pasi vuante nga 'ënjtja e përgjithshme' dhe 'dështimi i zemrës'.

Një përditësim të enjten tha se fituesi i trefishtë i Kupës së Botës ishte në një gjendje 'stabile' në spital me vajzën e tij Kely duke këmbëngulur se nuk kishte 'asnjë arsye për alarm'.

Pele - emri i plotë i të cilit është Edson Arantes do Nascimento - konsiderohet nga shumë njerëz si futbollisti më i madh i të gjitha kohërave.

Ai fitoi tre Kupa Botërore me Brazilin në 1958, 1962 dhe 1970 dhe shënoi 643 gola në 659 ndeshje zyrtare për klubin brazilian Santos.

 Ai shënoi 77 herë në 92 ndeshje për kombëtaren e vendit të tij.

Të premten, Spitali Albert Einstein lëshoi ​​një deklaratë duke thënë se Pele ishte diagnostikuar me një 'infeksion respirator' që po trajtohej me antibiotikë.

Në deklaratë thuhej se ish-lojtari pritet të qëndrojë në spital për trajtim të vazhdueshëm në ditët në vijim, por tha se gjendja e tij ishte 'stabile'.