Një episod i pakëndshëm ndodhi në ndeshjen midis PSG-së dhe Juventus në Champions League, e cila u fitua nga parisienët me rezultatin 2-1.

Si gjithmonë gjakxehtë, Sergio Ramos përplas me ish-bashkëlojtarin e tij te Parisi, Leandro Paredes, vetëm një javë pasi ky i fundit u largua nga klubi në formë huazimi. Ramos e shtyu argjentinasin, ndërsa lojtarët e të dyja skuadrave u përballën gjithashtu me njëri-tjetrin.

Pas ndeshjes mbrojtësi spanjoll deklaroi se këto gjëra ndodhin në një ndeshje futbolli dhe se gjithçka mbetet aty në fushë.

“Këto gjëra mbeten në fushë, në fund të ditës, secili mbron interesin e tij”, tha Ramos për TNT Sports pas vërshëllimës së fundit. Kur mbaron ndeshja, shtrëngojmë duart,  gjithçka merr fund aty. Gjatë lojës, çdokush do të vriste për shokët e tij, por nuk ka asgjë personale me askënd.”

Mesfushori italian i PSG-së, Marco Verrati, dha një reagim epik për përplasjen e dy shokëve të tij, duke u shprehur: “Do të vendosja bast dhe shtëpinë time që ata të dy do të përplaseshin me njëri-tjetrin”.

Paredes - Sergio Ramos 😐 #PSGJuve pic.twitter.com/TypMYbxwmI

— Gianni (@GianniVendetta) September 6, 2022