Joan Laporta flet për të ardhmen e De Jong dhe Dembeles

Joan Laporta flet për të ardhmen e De Jong dhe Dembeles

17:07, 06/07/2022

Joan Laporta, president i Barcelonës ka folur për të ardhmen e Frenkie de Jong dhe të Ousmane Dembele, për të cilët po spekulohet se mund të largohen nga “Camp Nou”.

Ai ishte i pranishëm në prezantimin e Franck Yannick Kessiet në fanellën “Blaugrana”, ku është ndalur të flasë edhe për tema dhe çështje të tjera.

 “Frenkie është një lojtar i Barcelonës dhe nuk është në shitje”, ka thënë Laporta, edhe pse kohëve të fundit flitet se mesfushori holandez mund të përfundojë në Manchester United.

Ndërkohë, kreu i klubit katalanas foli edhe për futbollistin francez, të cilit i ka skaduar kontrata.

“Dembele? Nuk ka një datë fikse. Nëse nuk e pranon propozimin tonë, nuk mund të qëndrojë këtu, s’mund të bëjmë më shumë. Duhet ta menaxhojmë mirë çështjen e rrogave, në mënyrë që të mos kemi mungesë të ekuilibrit”, përfundoi Laporta.

Dembele ka oferta nga klubet e njohura evropiane, por ekziston mundësia që ta vazhdojë kontratën edhe për dy vjet, pas 5 vjet qëndrimi deri më tani në “Camp Nou”.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco