Jurgen Klopp ka dhënë mendimin e tij për trajnerin e Feyenoord, Arne Slot, i cili është favorit për të zëvendësuar gjermanin te Liverpool sezonin e ardhshëm.

Slot ka zhvilluar një futboll të ngjashëm me Klopp gjatë viteve të tij në Holandë, me ekipet e tij që ndërtojnë lojën nga poshtë dhe përdorin një presing të lartë.

Klopp u pyet për emërimin e mundshëm në konferencën për shtyp të Liverpool-it para ndeshjes së tyre në Premier League me West Ham.

Ai tha për Arne Slot: “Unë nuk jam i përfshirë nga klubi në zgjedhjen e trajnerit. Unë do të doja shumë që nëse Arne është ai që dëshiron të marrë drejtimin e ekipit. Më pëlqen stili i ekipit të tij, gjithçka që dëgjoj për të është se është një njeri dhe trajner i mirë.

“Unë do t’i thoja që kjo është puna më e mirë në botë. Klubi më i mirë në botë, njerëzit më të mirë”, shtoi Klopp.

Vetë Slot ka shprehur publikisht synimin e tij për të lënë rolin e tij aktual dhe ka hedhur dritë mbi negociatat në vazhdim mes Liverpool dhe Feyenoord në lidhje me transferimin e tij të mundshëm.

“Do të doja të bëhesha trajneri i ri i Liverpool-it, vendimi im është i qartë. Feyenoord dhe Liverpool janë në bisedime, unë jam duke pritur për të parë se çfarë do të dalë prej tyre”, shpjegoi Slot për Fabrizio Romano.