Roberto Martinez është kandidati numër një i aksionarit kryesor të Evertonit, Farhad Moshiri, për të zënë vendin e lënë bosh në pankinë, pas shkarkimit të Rafa Benitez. 

Por duket se federata belge e futbollit nuk dëshiron që ta lërë të lirë teknikun spanjoll, që të rikthehet në Liverpul. 

48-vjeçari shpresonte që të bëhej trajner i përkohshëm i Evertonit, pas shkarkimit të Benitez dhe më pas të drejtonte “djajtë e kuq” në finalet e Kupës së Botës, që do të startojnë në nëntor. 

Por, drejtuesit e federatës belge nuk janë dakord me këtë plan dhe nuk e kanë lejuar teknikun që të drejtojë një klub, pasi duan që ai të bëjë maksimumin në Botërorin e ardhshëm me kombëtaren e Belgjikës.