Real Madrid dhe Kylian Mbappe kanë rënë dakord për transferimin e madh që do të konfirmohet pas përplasjes mes dy skuadrave në 1/16 e Champions League.
Gazetari i El Chiringuito TV, Josep Pedrol, këtë mëngjes bëri të ditur ekskluzivisht se Real Madrid dhe Kylian Mbappe kanë arritur marrëveshjen për transferimin më të madh të vitit 2022.
Gazetari i besueshëm spanjoll pretendon se Mbappe do të bëjë të ditur vendimin zyrtar pas përballjes së dy klubeve në Champions League, kjo në shenjë respekti për fanellën e PSG-së që mban aktualisht.
Mbappe do të jetë lojtar i lirë gjatë merkatos së verës, ndaj është e mundur që Reali ta transfrojë falas, por me detaje pak më të mëdha financiare të kontratës. Kështu, të dyja palët ranë dakord dhe shumën e pagës që francezi do të marrë në klubin që mbështet që nga fëmijëria.
Megjithatë, Reali nuk ka ndërmend të ndalet me kaq. I njëjti gazetar pretendon se “objektivi” i radhës i madrilenëve është Erling Haaland.
Pas nënshkrimit të kontratës me Mbappe, Reali do të tentojë të sjellë sulmuesin e Dortmundit dhe në këtë mënyrë të përgatisë një sulm që do të dominojë futbollin botëror në vitet në vijim.
© SYRI.net
Bëje LIKE dhe merr lajmin e fundit nga Sporti: