Shqipëria nuk ia doli të bënte mrekullinë përballë Polonisë në “Air Albania” . Kombëtarja shqiptare u mund me rezultatin 0-1 nga polakët, në një ndeshje në të cilën bënë një paraqitje mjaft të mirë.

Por ajo që nuk duhej të ndodhte dhe që na njollos më tepër është  goditja me shishe uji nga tifozët “kuqezi” në drejtim të lojtarëve polak në dy momente të ndryshe, duke detyruar arbitrin të pezullonte ndeshjen për disa minuta.

Mirëpo nuk ishin vetëm tifozët shqiptarë që krijuan një skenë të tillë, pasi në një video të publikuar shihen edhe ata polak të cilët pavarësisht se janë të pakët në numër nuk ngurrojnë të godasin me shishe uji tifozët në tribunën përballë, apo ata poshtë tyre.