Presidenti i FSHF-së, Armand Duka ka vlerësuar si pozitive aventurën e Kombëtares shqiptare në Nation League, ku kuqezinjtë u renditën të parët e grupit.
Gjatë një interviste për SYRI TV, Duka shprehu besimin se Edi Reja do të vazhdojë të jetë pjesë e përfaqësueses edhe në eliminatoret e Botërorit 2022.
Kombëtarja në Nation League dhe kualifikimi i mundshëm në Botërorin “Katar 2022”?
"Përfaqësimi në Nation League ishte shumë i mirë. Saqë ne u renditëm të parët në grup, objektivi është arritur madje trajneri Reja plotësoi edhe objektivin tjetër të prurjeve në Kombëtare. Këto na japin më shumë besim për të filluar eliminatoret e Botërorit megjithëse është shumë e vështirë kualifikimi pasi kalojnë vetëm 13 përfaqësuese evropiane. Objektivi ynë ngelet Europiani i 2024.
Reja? “Trajneri ka dhënë më të mirën. Reja do të vazhdojë të jetë trajner i Kombëtares dhe do të nisim me të njëjtin staf eliminatoret e Botërorit", tha Duka.
Derbi Tirana – Partizani? “Pengu më i madh i imi dhe Europës është mungesa e tifozëve. Në derbi nuk do kemi festën që na dhurojnë dy skuadrat. Derbi është shumë i rëndësishëm për të t dy skuadrave. Për momentin është e pamundur që të futen tifozët në stadium pasi niveli i infeksionit është i madh. Urojmë që vaksina të mbërrijë edhe në Shqipëri dhe më pas të nisë aktiviteti normal i jetës së shqiptarëve", përfundoi Duka.
© SYRI.net
Bëje LIKE dhe merr lajmin e fundit nga Sporti: