Presidenti i Barcelonës, Josep Maria Bartomeu, do t’i kërkojë Lionel Messit që të pranojë një pagë më të ulët.

Superylli argjentinas gjatë verës kërkoi largimin nga “Cqamp Nou”, por drejtues të klubit katalanas refuzuan kërkesën e 6 herë fituesit të “Topit të Artë”.

Dhe ndërkohë që klubi është duke pasur probleme financiare si pasojë e pandemisë së coronavirusit, “Cuatro” raporton se presidenti do t’i kërkojë Messit që të heqë dorë nga një pjesë e pagës, në mënyrë që shpenzimet e Barçës të jenë më të vogla.

Ndryshe, revista prestigjioze Forbes e ka renditur Leo Messin si futbollistin që përfiton më shumë plot (106 milionë euro) në sezon, ndërsa pas tij vjen Ronaldo me 98.5 milionë euro.