Edi Reja shprehu dëshirën e madhe për të vijuar bashkëpunimin me Kombëtaren shqiptare.
Në një intervistë të dhënë së fundmi për mediat italiane, Reja është i lumtur që do të jetë trajneri më i vjetër në qarkullim.
“Ekziston dëshira për të bërë këtë punë. Të njoh, të mësoj, ta vë në lojë përvojën time. Kjo është një sfidë e bukur: ka një projekt të fortë, i cili nuk ka të bëjë vetëm me pjesën teknike të Kombëtares, por do të më shikojë të përfshirë me stafin tim edhe në mbikëqyrjen e gjithë lëvizjes shqiptare të futbollit. Është një sfidë e bukur dhe një projekt i fortë. Rinovimi më jep një entuziazëm të madh. Do të kem mbështetjen e të gjithëve. Do jem trajneri më i vjetër në qarkullim, më bëhet qejfi për këtë”, u shpreh Reja.
Parashikohet që tekniku 74-vjeçar të firmosë një kontratë 4-vjeçare, që do ta mbajë të lidhur me Kombëtaren deri në vitin 2022.
© SYRI.net
Bëje LIKE dhe merr lajmin e fundit nga Sporti: