Kanë përfunduar tre takime të Serisë A, që startuan në orën 15:00.
Një pasdite e jashtëzakonshme ishte kjo për Atalantën që ka marrë një trepikësh ndaj Udineses, duke i shënuar plot 7 gola.
Ekipi i Gasperinit ka mundur me rezultatin 7-1 Udinezen, aty ku miqtë bën “gabim” të kalonin në avantazh me anë të Okaka-s.
Një “uragan” ka nisur direkt nga Atalanta që ka shënuar 7 herë. Iliçiç me dopjetë, Muriel me tripletë, Pasaliç dhe Traore me nga një gol i kanë dhënë këtë fitore të vyer bergamaskëve.
Nga ana tjetër Napoli ka ngecur në transfertën e vështirë të Spalit dhe ka marrë vetëm 1 pikë pas barazimit 1-1, me Etrit Berishën që ishte titullar në portën e vendësve.
Milik kaloi në avantazh Napolin, ndërsa Kurtiç barazoi direkt në minutën e 21-të.
Pas Juventusit dhe Interit dje, edhe Napoli ka bërë të njëjtën gjë, duke mos arritur dot të fitojë.
Ndërkaq Torino dhe Kaljari kanë marrë nga një pikë, pas barazimit 1-1.
Nandez për Kaljarin dhe Zaza për Torinon ishin autorët e golave.
Kështu Atalanta ka shkuar në kuotën e 20 pikëve në vendin e tretë, ndërsa Napoli e ndjek në vendin e katërt me 17 pikë.
© SYRI.net
Bëje LIKE dhe merr lajmin e fundit nga Sporti: