Pas fitores së thellë 4-1 të Atalantës kundër Interit, në fushë zbritën edhe gjashtë ekipe të tjera për të luajtur takimet e tyre të vlefshme për javën e 12-të në Serie A.

Roma ka triumfuar në fushën e saj kundër skuadrës së Sampdorias, pasi i ka mposhtur këta të fundit me rezultatin e thellë 4-1.

Jezus shënoi golin e parë, më pas Shik ndëshkoi ish-skuadrën e tij, duke i dhënë avantazhin e dyfishtë skuadrës së tij.

Më pas, dy golat e El Sharauit i dhanë fitoren 4-1 skuadrës kryeqytetase, që me këto tri pikë ngjitet në vendin e gjashtë në tabelën e Serie A.

Fitore ka marrë edhe skuadra e Federik Veselit, Empoli, por me shumë vështirësi.

Përballë Udineses, Veseli e nisi nga stoli, por bëri një paraqitje shumë të mirë në momentet e fundit të sfidës, ku trajneri e aktivizoi për të ruajtur avantazhin 2-1.