Një nga fshatrat e harruar të Kuçovës mbetet fshati Lumas i cili ndodhet rreth 22 km larg qendrës së qytetit. Rruga e shkatërruar dhe mungesa e një ure janë problematikat më të cilat banorët e këtij fshati duhet të përballen çdo ditë.
Nga SYRI TV
Mungesa e infrastrukturës ka bërë që banorët e fshatit Lumas, pjesë e bashkisë së Kuçovës të hasin vështirësi për të qarkulluar në të përditshmen e tyre.
Problematika më e madhe e banorëve të kësaj zone është mungesa e një ure pasi nuk lidhen dot me pjesën tjetër të fshatit dhe me qytetin.
Banorët shprehen se ndihen të braktisur nga bashkia dhe i kërkojnë qeverisë që të marrë masa për zgjidhjen e këtij problemi jetik për ta.
Mungesa e investimeve ndër vite është e lidhur me mungesën e fondeve nga ish-komuna, ndërkohë që me të njëjtin problem po haset sot edhe bashkia e Kuçovës.
© SYRI.net