Rrugët kryesore të qytetit të Durrësit janë në kaos nga fluksi i lartë i automjeteve dhe parkimi i tyre pa kriter në trotuare. Një situatë e tillë rrezikon të kthehet në burim aksidentesh për shkak se qytetarët, mes të cilëve edhe nxënësit e shkollave janë të detyruar të ecin në rrugën e makinës, duke rrezikuar jetën e tyre
Nga SYRI TV
Në një nga rrugët kryesore të Durrësit, prapa teatrit "Aleksandër Moisiu" është krijuar një kaos i vërtetë nga fluksi i lartë i automjeteve.
Mungesa e hapësirave publike bën që automjetet të parkohen në trotuar.
Kjo situatë ka krijuar problem per këmbsorët, që janë të detyruar të zhvendosen në rrugën e makinave, duke rrezikuar jetën e tyre. Në këtë rrugë kalojnë çdo ditë edhe nxënësit e shkollës.
Ata shprehen për Syri Tv për vështirësitë që kanë, kur shkojnë në shkollë.
Por, edhe qytetarët e Durrësit gjithashtu shprehen të shqetësuar për këtë problematikë, pasi trotuari i zënë nga makinat i detyron ata të devijojnë rrugën dhe të zhvendosen në rrugën e makinave.
Policia rrugore nuk ka marrë asnjë masë lidhur me këtë situatë.
© SYRI.net