Aksi rrugor që lidh Spitallën me Portormanon është duke degraduar çdo ditë.
Gropat e hapura në mes të rrugës, kanë vështirësuar qarkullimin e mjeteve në këtë aks.
Çdo ditë në këtë aks kalojnë mijëra mjete, përfshirë dhe ato të tonazhit të rëndë, që shkojnë në portin detar të Portoromanos. Amortizimi i rrugës nuk shkakton vetëm dëmtime të mjeteve, por njëkoësisht janë dhe burim aksidentesh, pasi shpesh shoferët duhet të dalin nga karrexhata për të shmangur gropat.
Drejtuesit e mjeteve dhe banorë të zonës përgjatë këtij aksi, shprehen të shqetësuar për amortizimin e rrugës, duke kërkuar investime për mirëmbajtjen e këtij aksi.
Përveç amortizimit dhe gropave, ky aks rrugor nuk ka ndriçim, trotuare dhe kosha për hedhjen e mbeturinave, ku këto të fundit shpesh hidhen përgjatë aksit duke krijuar ndotje në të gjithë zonën.
© SYRI.net