Edhe të shtunën e të dielën, moti do të jetë pa ndryshime në vendin tonë.

Siç bëhet e ditur nga Meteoalb, nuk priten reshje shiu, por vetëm vranësira që do të jenë kalimtare.

Mëngjeset do të jenë të ftohta, por më pas temperaturat do të njohin rritje.

Ja parashikimi i motit për fundjavën:

MOTI gjatë fundjavës:

Kthjellimet dominojnë në të gjithë territorin në pjesën më të madhe të orëve, por vranësirat paraqiten kalimtare.

Temperaturat e ajrit mbeten të ulëta gjatë natës dhe orët e para të ditës, por mesdita mbetet me temperatura relativisht të larta.

Maksimumi në zonat malore varion nga 16-20 gradë celsius.

Ndërsa në bregdet dhe zonat e ulëta, pritet që maksimumi termik të ngjitet mbi 25 gradë celsius.