Gjatë ditëve të fundit më në fund, rreth 78 autobusë të linjave të ndryshme urbane në kryeqytet janë kontrolluar nga Policia Rrugore e Tiranës, me qëllim verifikimin dhe kontrollin e nivelit të alkoolit tek drejtuesit e mjeteve të kësaj kategorie. Nga ky operacion dy drejtues kanë rezultuar nën efektin e alkoolit, ndërsa janë vendosur edhe 34 masa administrative.
Policia organizoi disa pika kontrolli me aparat Drager, nisur nga shqetësimet e shumta të adresuara në numrin emergjencave 112, në lidhje me shkeljet e rregullave të qarkullimit nga drejtuesit e mjeteve të transportit publik qytetas, kryesisht telefonata për përdorim alkooli nga drejtuesit e autobusëve, manovra të rrezikshme në rrugë, mos rregullim shpejtësie etj.
Por këto problematika janë vetëm maja e ajsbergut.
Linjat urbane në kryeqytet prej kohësh janë kthyer në një ferr të vërtetë për qytetarët, duke u rrezikuar përditë vendim e punës dhe shkollën e fëmijëve. Kushtet skandaloze dhe sjellja jo etike që ofrojnë operatorët në gati të gjitha linjat shpesh janë bërë edhe shkas për sherre dhe mini-revolta. Pavarësisht ankesave të shumta, bashkia e Tiranës vazhdon të mos marrë asnjë masë për kompanitë që janë licencuar në këtë shërbim jetik për qytetarët.
Rritja e çmimit të biletës së urbaneve me 10 lekë prej dy vite e gjysmë, nuk e ka bërë aspak më të lehtë udhëtimin e qytetarëve.
Kushdo që zgjedh transportin publik (dhe këta janë shumica e qytetarëve) për të shkuar nga një destinacion në tjetrin, veçanërisht në orët e para të mëngjesit kur nis Tirana aktivitetin, duhet të presësh gjatë në radhë, pasi urbanët nuk respektojnë oraret e vendosura nga Bashkia e Tiranës që duket të variojnë sipas linjave nga 3-8 minuta.
Mbipopullimi deri në asfiksim, mungesa e kondicionierëve, arroganca e faturinove dhe shoferëve, vonesat e qëllimshme deri në 20 minuta, pa pastërtia etj, etj e kanë shndërruar këtë shërbim jetik për qytetarët në një bombë të vërtetë sociale.
Pavarësisht nga mijëra ankesa të qytetarëve bashkia e Tiranës, refuzon që ti japë zgjidhje këtij problemi, edhe pse çmimi i biletave dhe aboneve është rritur në nivelet që kanë kërkuar kompanitë.
Nuk kanë qenë të pakta lajmet dhe akuzat nga qytetarët se këto kompani që kanë monopolet e këtij shërbimi në kryeqytet kanë futur në thes krerët e bashkisë së kryeqytetit.
Dhe ky version është mëse i besueshëm kur mendon se Lali Eri e nisi punën në krye të bashkisë duke bërë xhiro nëpër urbanë të pastër e me pak njerëz, kurse sot për të hipur në njërin prej tyre qytetarët e Tiranës duhet të bëjnë luftë me bërryla e shkelma.
© SYRI.net
Organet kompetente te marrin masa urgjente sepse vetem keshtu mund te permiresohet situata e krijuar
Kushtet e ofruara nga linjat urbane sidomos qender vilat gjermane moskondicionimi papastertia mosresktimi i orareve etj nuk justifikojne cmimin e biletes
Bashkia nuk duhet te licencoje subjektet qe nuk zbatojne rregullat e percaktuara.
Urbanet e linjes qender vilat gjername depo e ujit te kompanise Gerard shpk jane jashte cdo standarti te pakondicionuar dhe gjithmone mbi kapacitetet e caktuara.faleminderit
Urbanet nuk respektojne oraret e caktuara. Jo 3 deri ne 8 min qe e kane por mbi 20 minuta pas ores 18 e ne fundjava shkon edhe 40 minuta. Shembull i qarte shoqeria Gerard shpk qe administron linjen Qender Vilat Gjermane Depo e Ujit.
Artikull shume i vertete aktual dhe problematike qe nuk po gjen zgjidhje.
Absolutisht te verteta ato cfare shkruhen ne kete vezhgim. Ne krye qendron linja Qender Gjuhet e Huaja Vilat Gjermane Depo e Ujit.nje tmerr i vertete megjithese jemi ankuar ne institucionet pergjegjese Bashki Agjencia e Mbrojtjes se Konsumatorit dhe te vete shoqeria qe ofron sherbimin.
Merrini atobuzat dhe parkojani para bshkis lali pederit. Vetem kur lali pleri hyp ne autobuz per te mashtru popullin, çuditerisht autobuzet jane vetem me bythlepirsit e lali bajges.