Berisha: Sot Tirana, Shqipëria, rinia, qytetarët shqiptarë, pensionistët e këtij vendi, vërshoni në bulevard

Në përmbyllje të bashkëbisedimit me qytetarët në rrjetet sociale, kryetari i PD, Sali Berisha bëri thirrje për pjesëmarrje masive në protestën e kësaj të shtune përpara Kryeministrisë.

Berisha ftoi qytetarët shqiptarë dhe pensionistët e vendit të vërshonjnë në bulevard, rrugët dhe sheshet e kryeqytetit.

‘...në një akt historik me një guxim epik për t'u ndarë nga njëra prej të këqijave më të mëdha që ka kapluar vendin në tërë historinë e tij’, ishte thirrja e Berishës për qytetarët.

Përmbyllja është një dhe vetëm një:

Një thirrje nga zemra për të gjithë qytetarët shqiptarë.

Sot Tirana, sot Shqipëria, sot rinia e Shqipërisë, sot qytetarët shqiptarë, pensionistët e këtij vendi, që të gjithë ju ftoj të vërshoni në bulevardin, rrugët dhe sheshet e kryeqytetit në një akt historik me një guxim epik për t'u ndarë nga njëra prej të këqijave më të mëdha që ka kapluar vendin në tërë historinë e tij.

Faleminderit.