Ambasadorja gjermane Susanne Schütz mori pjesë ditët e fundit në pelegrinazhin e Bektashinjve në malin e Tomorrit. Në bisedën e saj me udhëheqësin e Kryegjyshatës Botërore bektashiane, Dede Baba Edmond Brahimaj, ajo nënvizoi rëndësinë e dialogut ndërfetar si dhe respektin dhe vlerësimin për bashkëjetesën paqësore të feve dhe diversitetin fetar në Shqipëri. Shqipëria mund të jetë kësisoj një shembull për rajonet e tjera të botës, njoftoi ambasada gjermane.