‘U vërtetua se opozita ishte oferta më e mirë e 11 majit’/ Qarri: Shumë njerëz duhet t’i kërkojnë falje! Koha për aksion

Gazetari Flavio Qarri ka reaguar me një status në rrjetet sociale duke komentuar zhvillimet pas zgjedhjeve të 11 majit. Ai tha se opozita u vërtetua shpejt se ishte oferta më e mirë politike e sociale për vendin.

Qarri theksoi se shumë njerëz i detyrohen një ndjesë opozitës për mosbesimin apo hezitimin ndaj saj.

Sipas tij, në këto momente opozita duhet të intensifikojë aksionin e saj politik jo vetëm për ata që e votuan, por edhe për qytetarët që nuk e mbështetën më 11 maj. Ai kritikoi ashpër sjelljen e Kryeministrit, të cilën e cilësoi si “çmenduri e një nate vere”, ku gjithashtu përmendi edhe “estradën e Ballshit” dhe “pseudo-opozitarët e rinj”.

“Është rikrijuar një vakum që dukej i asfiksuar nga kakofonia e atyre që gjasme do e rrëzonin Ramën dhe atyre që gjasme e donin”, shkroi Qarri, duke dhënë sinjale për një krizë të thellë politike. Në përmbyllje, ai paralajmëroi se ndonëse “shtatori është më larg se ç’duket, diktatura ama është te dera”.

Statusi i plotë:

Opozita ishte larg perfeksionit në 11 Maj por shpejt u vërtetua që ishte oferta më e mirë politike e sociale për vendin. Shumë njerëz duhet t’i kërkojnë falje. Në këto momente ajo duhet të intensifikojë aksionin edhe për ata që nuk e votuan dhe mbi të gjitha për ata që e mbështetën. Çmenduria e një nate vere e Kryeministrit dhe estrada e Ballshit e pseudo-opozitarëve të rinj ka rikrijuar një vakum që dukej i asfiksuar nga kakofonia e atyre që gjasme do e rrëzonin Ramën dhe ata që gjasme e donin. Shtatori është më larg se ç’duket, diktatura ama është te dera.