Eurodeputeti Eduard Kukan nëpërmjet një satusi në Facebook ka deklaruar sot se është zgjuar në Tiranë. Pasi thotë se i pëlqen Shqipëria dhe se sa herë që vjen ndihet si në shtëpi, jeo lajmin se kësaj radhe ka mbërritur si kreu i misionit mbikqyrjes së BE-së, në zgjedhjet parlamentare të së dielës.

“Këto zgjedhje janë të rëndësishme për drejtimin e ardhshëm të vendit, vazhdimin e reformave dhe integrimit me be-në. Shqipëria është partneri ynë në NATO dhe një kandidat për anëtarësimin në BE. Unë kam takime sot me krerët politikë të partive të ndryshme. Të dielën, së bashku me kolegët e mi nga parlamenti europian, ne do të ndjekim zgjedhjet anembanë vendit”, deklaron ai.