E ftuar në emisionin e mëngjesit KAFE SHQETO në SYRI TV ishte Albana Vokshi, deputete e Partisë Demokratike.

Ajo ka komentuar situatën aktuale politike dhe qëndrimin e socialistëve ndaj komisionit hetimor për koncesionet në shëndetësi.

Flavio Qarri: A është kjo strategjia e komunikimit të opozitës, apo ka kaq shumë korrupsion sa është e pamundur të mos flasësh.

Albana Vokshi: Juve e përmendet vetë Flavio që janë dy koncesione në shëndetësi që shkojnë mbi 200 milionë euro. Mendoni pak kur vjedhin edhe paratë e shëndetit të qytetarëve. Nuk ka vetëm kosto financiare për buxhetin e shtetit, Nuk është vetëm dëm ekonomik, por sjell pasoja të rënda në shëndetit e qytetarëve, por edhe në jetën e tyre.

Nëse i referohemi koncesionit të sterilizimit, i cili në total ka qenë rreth 100 milonë euro, por vetëm në këto vite të para janë shpenzuar më shumë se 80 milionë euro. Pra kanë kapërcyer planifikimin e parë të bërë ne lidhje me këtë koncesion. Pra koston që do kishte buxheti i shtetit në çdo vit. Pse është kjo? Sepse kanë vjedhur...