Vazhdojnë shkeljet skandaloze të gjyqtares Irena Gjoka, në lidhje me procesin politik të hapur nga SPAK, ndaj kryetarit të PD-së, Sali Berisha.

Pasi emëroi si avokat kryesisht, një avokat që ishte ithtar i rilindjes dhe kishte bërë vetëm 3 ditë më parë një status, kundër kryetarit të PD-së, Sali Berisha, sot ka vendosur që të emërojë si avokate, një ithtare të Enver Hoxhës.

Gjykata e Posaçme ka njoftuar pasditen e sotme se pas tërheqjes së dy avokateve të emëruar kryesisht, ka vendosur të emërojë si përfaqësuese ligjore, avokaten Valentina Teodoresku.

Kjo e fundit në profilin e saj në Facebook ka shfaqur hapur admirimin dhe mbështetjen ndaj Edi Ramës. Por jo vetëm.

Avokatja e caktuar nga gjyqtarja Irena Gjoka, është një ithtare e flakët e diktatorit Enver Hoxha.

Mos u çuditni, këto janë emërimet e gjyqtares Irena Gjoka në procesin politik të hapur nga drejtësia e Edi Ramës, kundër kryetarit të Partisë Demokratike, Sali Berisha.