Nga Lisander Hoxha/
Përtej agresionit Rus në Ukrainë, ku unë mendoj se të gjithë dënojmë Putinin, kam disa komente rreth Ramës në Këshillin e Sigurimit në OKB.
Presidenca shqiptare është prestigj dhe si e tillë, duhet kuptuar nga e gjithë politika jonë.
Edhe qëndrimet politike ndaj Rusisë duhet të jenë të ashpra sa i takon provokimit të luftës dhe cenimit të integritetit territorial të një vendi sovran si Ukraina.
Ajo që dua të komentoj është performanca teatrale e Edi Ramës.
Duke qenë një plastelinë politikan kisha kureshtjen të shihja se kujt kërkon t'i përngjaje Kryeministri në atë takim.
Sapo u hap takimi e pashë shëmbëlltyrën e komunistëve të viteve 80-90, të cilët dënonin agresionin sovjetik ndaj Çekosllovakisë dhe politikat shoviniste të Hrushovit me Paktin e Varshavës.
E gjithë plastika dhe qëndrimet e sforcuara të Ramës tregojnë se idhulli i Elisës është një demagog filokinez i dalë nga PPSH e viteve 80-90.
Ai frymëzon me fjalë dhe kamuflohet me shembuj.
Vellai i Vuçiç, i cili me Open Ballkan mbështeti ekonominë Ruse për kaq kohë, duhej të sforcohej shumë për të qenë i besueshëm mbi Kosovën.
Ai duhej të dukej si "shkëmb graniti" para Shovinistëve Putinian dhe të sillej si ushtar besnik i NATO.
Kjo, edhe pse të gjitha të dhënat sekrete kanë dalë sheshit nga patronazhistët hacker-ues.
Ai duhej të bënte batuta dhe replika edhe pse roli i tij ishte vetëm moderator i takimit.
Kjo, për të dëshmuar besnikërinë ndaj SHBA dhe NATO, të cilën e ka shkelur dhe e shkel sa herë i jepet mundësia.
Ky aktrim i Ramës ka kënaqur vetëm Spiropalet e tij, të cilët admirojnë demagogjinë filokineze të viteve të fundit të komunizmit.
Uroj që sot në Parlament deputet e PS të mos paraqiten me shall të kuq në shenjë revolucionarizimi të tyre nga aktrimi i Ramës!
© SYRI.net