E ftuar këtë mëngjes në emisionin KAFE SHQETO ka qenë deputetja e Partisë Demokratike Dhurata Çupi. Ajo ka komentuar zhvillimet e fundit politike pas marrjes në pyetje të kreut të bashkisë së Tiranës i akuzuar nga opozita si koka e vjedhjes me inceneratoret dhe 5D.

Dhurata Çupi: Jemi përfaqësues të opozitës. Kemi vite që i denoncojmë. Kemi vite që qëndrojmë në opozitë për shkak të një pushteti totalisht të korruptuar, një pushteti që ka përdorur të gjitha format për të qëndruar në pushtet vetëm votën nuk ka përdorur për të qëndruar në pushtet dhe një opozitë që ka ndasitë e veta të paktën vitet e fundit. Por atë që di të them unë është se ne jemi një grup opozitarësh që denoncojmë që bëjmë opozitë dhe që besoj që përfaqësojmë opozitarizmin shqiptar në mënyrën më të denjë.