Gjatë debatit në studion e “Çim Peka Live” analisti Baton Haxhia ka deklaruar se në marrëveshjen bazë ndërmjet Kosovës dhe Serbisë, Kosova duhet të firmos asosacionin.
Sipas Haxhiut, plani franko-gjerman është e keqja e domosdoshme e Kosovës, e cila duhet të kryehet.
“Kurti si kryeministër i ka dy çështje para vetes: Izolimin e Kosovës ose pranimin e planit franko-gjerman, respektivisht asosacionit.
Unë kam pasur qëndrim publik. Plani franko-gjerman është dhimbje e jona por është e keqja e domosdoshme e që duhet të kryhet.
Ky është dokument evropian dhe europianët janë të obliguar ta implementojnë për arsye se e kanë deklaruar si dokument të vetin dhe e kanë ratifikua 24 shtete”, u shpreh Haxhiu në Çim Peka Live.
© SYRI.net