Kryebashkiaku i Shkodrës, Bardh Spahia, njëherësh kandidat i koalicionit opozitar “Bashkë Fitojmë” për një mandat të dytë në krye të kësaj bashkie, i bëri thirrje bashkëqytetarëve të tij që nuk u janë drejtuar akoma qendrave të votimit, të mos humbin kohën dhe mundësinë për të vrapuar drejt qendrave për të shprehur vullnetin e tyre të lirë kundër korrupsionit.

Dëshiroj të shfrytëzoj këto moment për tu bërë thirrje të gjithë bashkëqytetarëve tani që nuk i kanë marrë akoma inisiativën për të shfrytëzuar rastin e jashtëzakonshëm të shprehjes me votë për 4 vitet e ardhshme për Shkodrën tonë, i ftojmë të ushtrojnë të drejtën qytetare nëpërmejt ushtrimit të votës së tyre. Të vërshojnë drejt qendrave të votimit me bindjen absolute se me votën e tyre do të kontribuojnë për ta rritur shkëlqimin e Shkodrës dhe për katër vitet e ardhshme.  Për Shkodrën e kulturës, të artit, të traditës dhe historisë,  larg krimit dhe korrupsionit. Edhe njëherë i japim forca drejt kutive të votimit për të mirën e familjeve tona dhe të fëmijëve tanë.