Kryetari i PD, Sali Berisha ka vijuar në Valias turin elektoral për zgjedhjet vendore të 14 majit, bashkë me kandidatin për kryetar bashkie të Kamzës, Arjan Hoxha. 

Siç duket edhe nga pamjet e pjesëmarrjes, banorët e Valiasit i kanë rezervuar Berishës një pritje entuziaste. 

Në nisje të fjalës së tij lideri i opozitës Sali Berisha u shprehu mirënjohje banorëve të Valiasit dhe Kamzës për mbështjen që ata i kanë dhënë gjithmonë Partisë Demokratike.

Berisha i ftoi ata të votojnë kandidatin e koalicionit opozitar, "Bashkë Fitojmë" në mënyrë që Kamza të bëjë ndryshimin në 14 maj dhe t'u kthehet qytetarëve.