Pas deklaratës së ambasadores së SHBA dhe reagimeve të shumta nga politika jo vetëm opozitare dhe media, anëtari i kryesisë së PD Gent Strazimiri ka shpërndarë një postim të tijin të një viti më parë kur komentonte sjellkët e diplomates së SHBA.
Postimi:
Nëse ka "dy Amerika", një e Ardian Dvoranit dhe një e Fran Shkrelit, unë zgjedh këtë të dytën sepse është ajo e tim gjyshi, e tim eti!
Është Amerika e ditëve më shpresëdhënëse të jetës sime, filimisht si ëndërr e çartur nën realitetin e "Ardian Dvoranit", e pastaj si çartje e një ëndrre reale...
Zgjedh Amerikën e një patrioti, shqiptar e amerikan njëkohësisht, që për shkak të Amerikës së tij, jetoi e jeton si misionar i lirisë, i fjalës së lirë e dinjitetit të burrit e të shqiptarit.
Për të mbrojtur Amerikën e Fran Shkrelit ia vlen çdo sakrificë sepse është "foleja" ku gjyshërit dhe etërit "fshehën" dëshirën për liri, me të cilën na ushqyen pak e nga pak në ilegalitet...
Sepse në kohën e Ardian Dvoranit, liria ishte ilegale... si Amerika!
Mbrojtjen deri në fund ia kemi borxh Amerikës së Fran Shkrelit, sepse falë besimit tek ajo,
* guxuam të ngrihemi në 1990 - 1991, pavarësisht se ende s'e kishim takuar,
* qëndruam në 1997-2005, pavarësisht se dikush e kishte eklipsuar, dhe
* drejtuam kombin, deri aty ku as ne s'e prisnim, në 2005 - 2013, kur erdhi në Tiranë e na shtrëngoi duart!
Për Amerikën e Fran Shkrelit, paguaj çdo çmim, njësoj si për LIRINË!
Re-post 7 prill 2022
© SYRI.net