Kryebashkiaku i Shkodrës, Bardh Spahia, ka bërë një premtim të fortë: "Më 11 shkurt, Shkodra dhe Shqipëria do të jenë në shesh", deklaroi ai pas takimit më të fundit që zhvilloi me strukturat e PD në zonë për organizimin e protestës, ku shprehu edhe falenderimet e përzemërta për qytetarët e Shkodrës që kanë shprehur gatishmërinë për të marrë pjesë.

"Arsyet për të protestuar janë të shumta dhe kush më shumë se Shkodra i ka vuajtur pasojat e nëpërkëmbjes dhe keqqeverisjes?! - ka qenë fjalët me të cilat iu drejtua, Spahia, pjesëmarrësve. Faktet dolën, dorëheqja (e Ramës)është detyrim. Të mos lejojmë asgjesimin e opozitës, të mbrojmë votën e lirë dhe pluralizmin politik. E ardhmja jote dhe e familjes tënde është mbi çdo gjë!" ka theksuar kryebashkiaku në vazhdim të fjalës së tij.