Kreu i qeverisë Edi Rama ka deklaruar një ditë më parë se drafti i amnistisë fiskale do kalojë për miratim pavarësisht kundërshtimeve që kanë ardhur nga BE dhe SHBA.
Drejtori ekzekutiv i Lëvizjes Europiane në Shqipëri, Gledis Gjipali, deklaroi në edicionin e pasdites me Armela Ferkon në Syri Tv se BE-ja shikon me kujdes të gjitha lëvizjet e qeverisë shqiptare me synimin për të shmangur abuzimet.
"Ekspertët janë të përfshirë. Fundi i procesit do tregojë nëse ka qenë tërësisht i konsultuar dhe a merr dakordësinë e BE apo do krijojë shqetësime që do vazhdojnë dhe më tej në marrëdhënien me BE-në.
Hapja e negociatave është një fazë e rëndësishme. Nëse do ketë shqetësime, do trajtohen në çdo tryezë me BE-në."-tha Gjipali.
Gjipali deklaroi se çdo detyrim i BE-së duhet të plotësohet nga Shqipëria ndërsa shtoi se çdo vendimmarje duhet të jetë e mirëmenduar sepse krijon pasoja për gjithë procesin e negociatave.
"Janë çështje që dalin dhe ridalin në tryezat me BE-në. Shqipëria ka hyrë në një proces që domosdoshmërisht duhet të përgjigjet."-deklaroi Gjipali.
Nisma e qeverisë për amnistinë fiskale është kundërshtuar jo vetëm nga ndërkombëtarët, por edhe nga ekspertët vendas të cilët janë shprehur se kryeministri Rama kërkon të legalizojë paratë e krimit.
© SYRI.net
Gjipali eshte lobues in Edvin K Rames ne Bruksel.