Partia Demokratike ka dalë me një deklaratë menjëherë sot, pas zmadhimit të mëtejshëm të atij që e cilësoi si skandalin e shekullit, atë të grabitjes dhe fshehjes së miliona eurove nga Buxheti i Shtetit në aferën e inceneratorëve, nën firmat e të vdekurve, të moshuarve që gjenden në azile ose të njerëzve që jetojnë në skamje, siç SYRI TV i ka dëshmuar këto ditë me intervista dhe dokumente zyrtare.
Deputeti Belind Këlliçi reagoi për rastin e së ndjerës Gjyste Sermi, nën emrin e së cilës qarkulluan pas vdekjes 5,5 milionë euro.
Sipas traditës, shqiptari e ka zakon që, pas vdekjes së të afërmit, i shlyen çdo borxh që mund t'i ketë mbetur të ndjerit Për t’ia lënë pa barrë dhe pa gjynahe kalimin në jetën e pasosur.
Qeveria e Edi Ramës, e kthyer në “qeveri të vdekjes”, punon për të kundërtën. Pasi rriti borxhin publik, duke zhytur në kamata të gjallët, nuk lë në paqe as të vdekurit.
Kështu, edhe me Gjyste Sermin e ndjerë, të vdekur para dy vitesh, në emrin e së cilës figurojnë disa borxhe dhe padi në gjykatë.
E gjitha kjo si pasojë e makinacioneve të njerëzve të lidhur me aferën e inceneratorëve, në përpjekje për të fshehur dhe pastruar miliona eurot e skandalit të shekullit.
Firma e Gjyste Sermit është falsifikuar dhe përdorur në veprime antiligjore, dy herë kur ishte në prag të vdekjes, dhe tri herë pas vdekjes. Në emrin e saj, post mortem, qarkulluan 5.5 milionë euro. Në QKB janë bërë disa veprime nën firmën e saj, edhe pse statusi në gjendjen civile e shënonte si ‘e vdekur’.
Kjo është një histori makabre keqpërdorimi të emrit, nderit dhe varrit të një shqiptareje. Zhbërja dhe turpërimi i një tradite të lashtë. Partia Demokratike i dënon ashpërsisht përdhosësit, mashtruesit kronikë dhe hajdutët serialë të pasurisë publike.
Ata kanë emra dhe portrete të ndryshëm, por që të gjithë gjallojnë nën hijen e Edi Ramës, ministrave dhe bandës së inceneratorëve.
I bëjmë thirrje SPAK të dalë nga letargjia, të ndjekë paranë, dhe gjurma e tyre do ta çojë te porositësit e skemës.
Në emër të dinjitetit dhe të ligjit duhen ndalur sa më parë ata, babëzia e të cilëve nuk ndalet para asgjëje. Ka ardhur koha që t’i themi “boll vodhe, IK!” kësaj qeverie të vdekjes," përfundoi Këlliçi.
EKSLUZIVE/ Evazioni 189 mln USD me inceneratorët, ja si u përdor firma e të vdekurës
© SYRI.net
Projekti i falimentimit të Illyrian Guard
SYRI TV/ Berisha i përgjigjet Ramës për të burgosurit politik: Nëse ka moral të dënojë vendimin e të atit
SYRI TV/ Emigrantët shqiptarë në Itali protestë në Milano: Duam të votojmë në 2025SPAK ka ndërruaj jetë që kur lindi. Fatkeqësisht, lindi si një foshnje anemike SOROSIANE, lindi pa sy, pa veshë, pa duar, pa këmbë dhe pa tru nga një nënë akoma tepër e sëmurë SOROSIANE dhe e me të meta rënda fizike "Reforma në Drejtës". Prandaj nuk jetoi dot asnjë ditë të vetme. Por këtë fakt, me urdhër të Kimetes së SOROSIANËVE TË SHBA dhe me bekimin e SOROSIANËVE të BE, e kanë mbajtur top-sekret deri tani dhe e maskusn dhe propaganduan si "Çeta e heronjve të fëmijëve tanë"!! Por tani u zbulua plotësisht, që edhe SPAK paska lindur i vdekur nga një nënë "Reforma në Drejtësi" që vdiq disa ditë pasi lindi birin e saj të vdekur SPAK. Qofshin të Parajsës! Urojmë që fëmijët tanë të mos shikojnë kurrë "Heronj të tillë", pasi ata janë vetëm Heronjtë e Femijëve të hajdutëve, harbutëve, pushtetarëve dhe qeveritarëve kriminelë, të fëmijëve oligarkëve, të banditëve dhe trafikantëve ortakë të narko-qeverisë Rilindja!
Denonco
Merrni lajmet më të fundit nga SYRI.net në çdo moment dhe kudo që të jeni!
