Ministrja e Financave Delina Ibrahimi ka prezantuar në Kuvend Projektbuxhetin për vitin 2022. Ministrja u shpreh se ky buxhet do të ketë në fokus rimëkëmbjen ekonomike, por ranë në sy koncesionet, kryesisht në infrastrukturë përbënin një zë të rëndësishëm.
Nga SYRI TV
Buxheti i viti 2022 prezantuar nga ministrja e Financave, Delina Ibrahimaj ka në fokus rimëkëmbjen ekonomike pas situatës së vështirë pandemike.
Financat presin që të mbledhin 537 miliardë lekë të ardhura, me një rritje prej 10.6% në krahasim me buxhetin e pritshëm të vitit 2021.
Teksa u diskutua për hapje të vendeve të reja të punës dhe rritjen e buxhetit për mbrojtjen sociale një zë i veçantë në projektbuxhet janë koncesionet që do të përkthehen në projekte rrugësh dhe aeroportesh
Shpenzimet buxhetore parashikohen sa 34.1% e PBB ku pjesa më e madhe e tyre do të shkojnë për rindërtimin dhe kapërcimin e situatës me Covid.
Projektbuxheti parashikon rritje të pagës së mjekëve me 6%, ndërsa 90.6 miliard janë parashikuar si paga për administratën. Pas situatës së vështirë të këtij viti, Ministria e Financave ka vendosur të mbështesë bujqësinë duke alokuar një fond prej 1 miliard lekësh për fermerët.
Ndërsa është parashikuar edhe një fond prej 45 miliard lekësh në rast të një krize të mundshme energjie.
© SYRI.net