Deputeti i PD, Ervin Salianji i ftuar në 'Çim Peka Live' në Syri Tv u ballafaqua me një foto që ka qarkulluar në rrjet, ku ai duket i ulur në kafe me zv/kryeministrin Arben Ahmetaj. 

Salianji tha se fotoja është e para katër viteve, ndërsa shtoi se kjo nuk do të thotë asgjë, ndërsa shtoi se edhe ish-kryeministri Sali Berisha akuzonte kundërshtarin e tij politik, Fatos Nano, por sërish dilnin bashkë te Pallati i Brigadave. 

"Doktor Berisha ka akuzuar Fatos Nanon dhe kanë dalë në publik gjithë kohës. Në parlament jemi në të njëjtat ambiente. E ka akuzuar gjithë kohën dhe kanë dalë te Pallati i Brigadave. Unë kam kohezion për qëndrimet që mbaj qoftë brenda mazhorancës ashtu edhe brenda qeverisë", u shpreh Salianji.