Pas situatës katastrofike të krijuar në Fier nga djegja e mbeturinave ka reaguar edhe drejtuesi lokal i Partisë Demokratike. Në një postim në Facebook, Luan Baçi akuzon institucionet përgjegjëse lokale për papërgjegjshmëri totale.
“Tym, blozë, flakë, katastrofë mjedisore, dëm i pa rikuperueshëm për shendetin e qytetarëve”. “Papërgjegjshmeri totale, vjedhje, abuzime, krim mjedisor!”, shkruan ai në shënimin e tij.
POSTIMI I PLOTE
Fieri sot!
Tym, blozë, flakë, katastrofe mjedisore, dëm i parikuperueshëm për shëndetin e qytetarëve.
Papergjegjshmëri totale, vjedhje, abuzime, krim mjedisor!
Asnjë reagim nga institucionet përgjegjëse!
Bashkia hesht, Prefektura nuk ekziston, Prokuroria është me pushime, KM është në delir!
Ka vite të tëra që e ashtuquajtura fusha e plehrave te "Vija e Ngjales" në Fier grumbullon dhe djeg mbeturinat që grumbullohen nga qyteti!
Megjithëse akordohen para të shumta të taksapaguesve fierakë, bëhen tendera me shuma marramendëse, ndërtohet incineratori i famshem korruptiv, mbeturinat vazhdojnë të digjen, për të pastruar vendgrumbullimin dhe pastaj të hedhin të tjera mbeturina!
Në kontratat e shumta që bëhen është parashikuar qe inceneratori do të pastronte edhe mbeturinat e grumbulluara prej vitesh në këtë vendgrumbullim, por çdo ditë këtu me urdhër të Subashit u vihet flaka mbeturinave, dhe patjeter që do të faturohen si mbeturina që i konsumoi incineratori!
Janë të pangopur në babëzinë e tyre, janë hajdutë dhe abuzues të pandreqshëm, janë të kapur dhe të korruptuar në palcë!
U bëj thirrje qytetarëve fierakë të reagojnë, ne duhet të kundërshtojmë me forcë këtë lloj sjellje të pushtetarëve të korruptuar, këtë abuzim të pashembullt, këto vjedhje marramendëse!
Mjaft më!
Mjaft më!
© SYRI.net
O z.Baci po leri fieraket ne tymin qe e kerkuan vet qe ne shumice votuan per Rucin e kompani...Ate mbollen ate po korrin.