Përse kriminelët flasin të gjithë me gjuhën e Edi Ramës

Përse kriminelët flasin të gjithë me gjuhën e Edi Ramës

10:42, 20/04/2021
A+ Aa A-

E vetmja foto që ekzistonte e Ndriçim Jonuzit, personit që plagosi një të ri në zyrat e PD në Kavajë, është ajo ku ndodhet në mesin e disa policëve specialë të armatosur rëndë.

Jonuzi është i dënuar për vrasje dhe një person me precedent penalë të theksuar. Mbrëmjen e shkuar nxori pistoletën në zyrën e PD, plagosi një të ri që ishte dhunuar barbarisht me grushte nga dy zyrtarë socialistë të një bashkie të shumëakuzuar nga opozita.

Pastaj me një qetësi të frikshme la zyrën e gjakosur dhe u fut në një makinë luksoze me ngjyrë të zezë dhe largohet për në ‘arrati’.

Kaq do mjaftonte për të të kallur datën, e gjitha kjo do mjaftonte për të rrëqethur këdo që jeton në shtetin e Edi Ramës.

Por ne jetojmë në Shqipëri dhe kaq nuk mjafton. Gjaku i derdhur nuk është asgjë për qeverisjen.

Policia dhe prokuroria do të hetojë, edhe pse dihet se çfarë përfundimesh dalin nga hetimet për krimet me sfond zgjedhor në Shqipëri.

Por ajo që të bën përshtypje është se nga arratia, njeriu që jeton në një qytet ku dihet gjithçka, del me një deklaratë po kaq të ftohtë, e cila fillimisht shpërndahet nga analistët dhe mediat e Edi Ramës dhe më pas ‘mbështetet’ nga vetë Edi Rama.

A ju bën përshtypje që të gjithë kriminelët që punojnë për regjimin e Edi Ramës, kanë të njëjtin stil reagimi? Edhe Ndriçim Jonuzi tha të njëjtën gjë, që nuk është militant socialist, madje është militant demokrat.

Si një deja vu e frikshme, edhe ai tha se kishte sakrifikuar për demokratët në të shkuarën.

Pastaj hopla vjen deklarata që kërkon më së shumti Edi Rama.

“Për mua të gjitha partitë janë njësoj,” thotë një person që duhej të ishte pas hekurave, por ja ku shfaqet duke dhënë opinione politike për situatën në vend.

Madje Rama e Basha janë njësoj. Te e fundit, pse të mos bashkëqeverisin, sa nuk thotë Ndriçimi. Mediat e Ramës nuk ndalin dhe vazhdojnë të kërkojnë opinione. “Jam i lënduar pasi kam bërë shumë për PD-në”, vijon deklarata.

Këtu nuk ka më çfarë të komentosh. Këtu qeveria po normalizon çdo krim të mundshëm, edhe kur derdhet gjak.

© SYRI.net

Lexo edhe:

Komentet

Askushi20/04/2021 13:11

Koka e krimit , organizatori, skenaristi, regjizori, eshte vet horri Edi Rama.

Flamur20/04/2021 12:08

Rama paska pjerdhur, paska angazhuar edhe taleban në radhët e veta

Gj 20/04/2021 11:43

Se Ramsi eshte krye krimineli ,qe i udhezon.

Shto koment

Denonco