Kryetari i PD-së, Lulzim Basha ka denoncuar me forcë sot faktin se Kryeministri dhe Ministri i Rindërtimit kanë dhënë 24 milionë euro për të ashtuquajturin Incenerator të Fierit dhe incenerator në fakt nuk ka!
“Tani mendojeni se çfarë mund të ishin bërë me këto 24 milionë euro” theksoi Basha, duke iu referuar krizës së rëndë ekonomike në vend.
Para gazetarëve, kryetari i PD-së shpjegoi:
“Kam ardhur sot të vizitoj disa prej pikave të grumbullimit apo të përpunimit të prodhimeve bujqësore dhe blegtorale. Kjo është një thertore dhe pikë e përpunimit të mishit.
Në të gjithë Shqipërinë, sektori i bujqësisë dhe blegtorisë janë më të goditurit dhe arsyeja nuk është vetëm pandemia, si mund të kujtojnë disa, por se prej shtatë vitesh, fermeri shqiptar është më i braktisuri ndër fermerët e rajonit.
Pse e themi këtë? Se për 7 vite, nuk e njeh më subvencionin. Paratë që duhet të shkonin për ta, para që janë të taksave - merren nga qeveritarët dhe shkojnë tek aferat korruptive.
Jemi në Lushnjë, por është në qarkun e Fierit. Dhe në Fier, në një lëndinë, ka një gardh që rrethon një gjysmë karabina të papërfunduar ku janë zhdukur deri më sot 24 milionë euro të taksave të shqiptarëve!
Kjo ndërtesë quhet në fakt Inceneratori i Fierit, por në fakt nuk ekziston. Është një gropë e zezë ku është përfshirë Kryeministri, Ministri i ashtuquajtur i Rindërtimit dhe figura të krimit të organizuar.
Vetëm për të kanë marrë nga taksat e shqiptarëve 24 milionë euro dhe incenerator nuk ka.
Për të mos folur që në vetvete është një aferë e dyshimtë korruptive.
Tani mendojeni se çfarë mund të bëheshin me 24 milionë euro.
Në planin me 5 pika të Pd me 24 milionë euro që janë zhdukur për inceneratorin e Fierit, mund të ndihmoheshin 24 mijë biznese Më një çek prej 1 mijë euro për 6 muaj, të ndihmoheshin mijëra fermerë apo mijëra të papunë.
Me ne, vjedhja e parave për projekte si inceneratorët, do të marrë fund, me hir a me pahir. SPAK do të detyrihet ta hetojë dhe do të çohet para drejtësisë dhe prapa hekurave, të ndëshkojë këdo që është përfshirë në këtë vjedhje masive.
© SYRI.net
'SPAK lëviz nga protestat'/ Boçi: Do shkojmë para Kryeministrisë që Rama të shkojë para drejtësisë
‘Vala e ndërtimeve nga paratë e krimit’/ Kaprata: Frenimi i rritjes së shitjeve, rezultat i një kontrolli jo nga SPAK…
‘Dosja 5D’/ Drejtori i bashkisë shembte banesat për të favorizuar kompaninë e ndërtimitE ka e ka Edi Rama ne 3D siç ka ndertimet e Aeroporteve Hekurudhave Porteve dhe shume projekteve te tjera qe kerkon ti genjej shqiptaret pavaresisht qe ai hiqet sikur eshte ne Opozite harron qe ka 8 vjet ne pushtet dhe genjen dhe mashtron nga mjesi ne darke. PD fiton zgjedhjet e pa diskutushme dhe Rama do akuzoj mi vodhen zgjedhjet pavaresisht qe ai do boj namin duke vjedh vota por nuk e ploteson fitoren lodhet kot.
Perfundimisht gjithe bota ra dakord qe perkufizimi i fundit I korrupsionit eshte si vijon: Korupsion = Pushtet autokratik rilindar plus monopole_oligarke minus transparence shumezim Edvin Ah-Metaj .
Denonco
Merrni lajmet më të fundit nga SYRI.net në çdo moment dhe kudo që të jeni!
